Miðdegishnúkar

  • height
    Hæð
    392 m
  • difficulty-hike
    Erfiðleikastig
    2/4
  • time
    Tími
    1-2 klst.
  • distance
    Vegalengd
    2-3 km
  • elevation
    Hækkun
    300 m

Explore the beauty of Miðdegishnúkar

Vestan við Kleifarvatn liggur hinn fallegi Sveifluháls en á honum eru margir tindar sem bjóða upp á skemmtilegar göngur. Einn þeirra er Miðdegishnúkur. Til að byrja gönguna er keyrt um Krýsuvíkurveg með fram Kleifarvatni og svo er þægilegt að leggja bílnum á litlum malar afleggjara. Þaðan er svo hægt að ganga beint upp. Þegar upp brattann er komið tekur við flatlendi umkringt stórbrotnum klettum. Haldið er áfram til norðausturs og eftir um 500 metra blasir tindurinn við. Þarna getur verið auðvelt að ruglast á tindum, en taka skal fram að til að komast upp á topp Miðdegishnúks þarf ekkert tæknilegt klifur. Á leiðinni upp síðasta kaflann tekur á móti manni skemmtilegur hellir þar sem tilvalið er að borða nesti og njóta útsýnisins yfir Vigdísarvelli í vestri. Þegar toppnum er náð blasir við frábært útsýni í allar áttir, eftir hryggnum til suðurs og norðurs og einnig yfir Kleifarvatn og Vigdísarvelli. Til vesturs má svo sjá Trölladyngju, Grænudyngju, Keili og fleiri fallega tinda. Hægt að fara sömu leið til baka, en fyrir þá sem vilja aðeins meira brölt er hægt að beygja í átt að Kleifarvatni þegar komið er niður fyrir hellinn. Þar þarf að klöngrast aðeins meira, en aftur skal tekið fram að aldrei á að þurfa tæknilega klifur kunnáttu til að komast niður. Hvor leiðin sem er farin, þá er gangan er mjög skemmtileg og hægt að útfæra á nokkra vegu með því að tengja við aðrar gönguleiðir á svæðinu.

Location

Miðdegishnúkar

Coordinates

Latitude

63.918806

Longitude

-22.038694

Map Key

  • Location Location