Eldgos á Reykjanesi

Fylgstu með Reykjanes Geopark á samfélagsmiðlum

Tilkynningar

Tilkynningar vegna eldgoss 

Í ljósi þess að búið er að opna á aðgengi almennings að gosstöðvum við Geldingadal viljum við vekja athygli á því að Reykjanesið er UNESCO hnattrænn jarðvangur og einstakur á heimsvísu. Við viljum gefa sem flestum tækifæri á að upplifa þennan einstaka viðburð í jarðsögu svæðisins. Förum varlega og sýnum aðgát þegar farið er um svæðið. Jarðvegurinn er viðkvæmur, gljúpur og blautur og erfitt getur verið að endurheimta djúp för.

FYLGIST MEÐ ÚR ÖRUGGRI FJARLÆGÐ

Almannavarnir hafa gefið út meðfylgjandi leiðbeiningar til almennings

  • Utanvegaakstur er ólöglegur.  
    • Þetta á við um öll vélknúin ökutæki, svo sem fjórhjól, sexhjól, mótorhjól.  
  • Veður getur breyst á skömmum tíma. Það er kalt og blautt  náttúran og gróðurinn viðkvæmur
    • Vertu í gönguskóm, hlýjum  og vatnsheldum fatnaði.  
    • Gerðu ráð fyrir því að ferðin geti tekið lengri tíma en áætlað er.  
    • Vertu með nesti og vatn að drekka.   
    • Fylgstu vel með ferðafélögunum. Þreyta og ofkæling kemur fljótt.   
    • Haldið ykkur við fell og hryggi. Forðist dali og dældir í landslaginu.  
    • Það er hætta á grjóthruni. Varist brattar hlíðar.   
  • Það þarf ekki mikið út af að bregða til að villast.  
    • Vertu með staðsetningartæki.  
    • Skildu eftir miða í bílnum með fjölda farþega og upphafstíma göngu og áætlaðan komu tíma til baka. Skildu einnig eftir nafn og símanúmer
  • Símasamband á svæðinu er slæmt og getur þá orðið erfitt að kalla á hjálp ef þörf krefur.  
  • Gosstöðvar geta breyst og nýjar gossprungur mögulega opnast með litlum fyrirvara.   
  • Gasmengun er mest nálægt svæðinu og getur leynst í dölum og dældum þar sem það er sérlega varasamt. Gasmengun getur breyst með litlum fyrirvara ef gosið eykst skyndilega og varasamt að vera nálægt gosstöðvunum án mælitækja.   
    • Fólk á alltaf að halda sig undan vindi. Það þýðir að fólk á að vera með vindinn í bakið þegar það gengur að gosstöðvunum og í fangið þegar það gengur til baka.   
    • Gasmengunin sést ekki og fylgir ekki endilega þeim sýnilega gasmekki á svæðinu.   
    • Gasmengun getur verið lyktarlaus og þá er erfitt að verjast henni. 
    • Gasmengun getur loðað við þó sýnilegur gosmökkur sé breyttur með breyttri vindátt  
    • Grímur sem notaðar eru til sóttvarna veita enga vörn gegn gasmengun.  
    • EF þið finnið fyrir minnstu heilsufarseinkennum þá skulið þið forða ykkur strax með vindinn í fangið. 

Myndefni

Gönguleið